फिर्यादी राजेंद्र दुसाने हे कुटुंबासह मागील दोन महिन्यांपासून पुण्यात राहत असल्यामुळे त्यांचे घर बंद होते. दरम्यान, १२ नोव्हेंबर २०२५ रोजी शेजाऱ्यांनी घराचा दरवाजा संशयास्पदरीत्या उघडा असल्याची माहिती दिली. तत्काळ जळगावात धाव घेऊन त्यांनी पाहणी केली असता एलईडी टीव्ही, फ्रिज, कुलर, गॅस शेगडी, भांडी आदी घरगुती साहित्य चोरीस गेल्याचे उघड झाले. यानंतर एमआयडीसी पोलिस ठाण्यात गुन्हा दाखल करण्यात आला.
तक्रार मिळताच पोलीस निरीक्षक बबन आव्हाड यांच्या मार्गदर्शनाखाली पोउनि राहुल तायडे यांच्या नेतृत्वात गुन्हे शोध पथकाने वेगवान तपास सुरू केला. उपनिरीक्षक चंद्रकांत धनके, सहाय्यक फौजदार विजयसिंग पाटील, गिरीश पाटील, प्रदीप चौधरी, गणेश शिरसाळे, किशोर निकुंभ, प्रमोद लांडवंजारी, किरण चौधरी, शशिकांत मराठे आणि नरेंद्र मोरे यांनी मिळून काटेकोर गुप्त तपास केला.
गोपनीय माहितीच्या आधारे १३ नोव्हेंबर रोजी संदीप तुळशीराम शेवरे (रा. लक्ष्मी नगर) याला सापळा रचून ताब्यात घेण्यात आले. चौकशीदरम्यान त्याने गुन्ह्याची कबुली देत साथीदार राहुल सुपडू चौधरी आणि एका अल्पवयीन मुलासह ही घरफोडी केल्याचे उघड केले. त्यांच्या ताब्यातून एलईडी टीव्ही, फ्रिज, कुलर, गॅस शेगडी, गॅस हंडी व तांबे-पितळ भांडी असा एकूण ५२ हजार रुपयांचा मुद्देमाल जप्त करण्यात आला.
यानंतर १४ नोव्हेंबर रोजी दुसरा आरोपी राहुल सुपडू चौधरी यालाही पोलिसांनी अटक केली. गुन्ह्यात वापरण्यात आलेली रिक्षादेखील जप्त करण्यात आली आहे.
ही संपूर्ण कारवाई पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी नितीन गणापुरे आणि पोनि बबन आव्हाड यांच्या मार्गदर्शनाखाली पार पडली. एमआयडीसी पोलिसांच्या जलद कामगिरीचे स्थानिकांकडून कौतुक होत आहे.
----------------------------------
आपण आपल्या परिसरातील बातमी व व्हिडीओ 8149343743 या क्रमांकावर पाठवू शकता !
📲 व्हाटसॲप ग्रुप जॉईन करा : https://chat.whatsapp.com/HIC8hI6o9FBAlod6RWM7J4
📹 युट्युब चॅनल सबस्क्राईब करा : https://www.youtube.com/@KhabarMaharashtraNews
---------------------------------
✒️ पराग काथार - संपादक
+918149343743
----------------------------------