🏆 राज्यस्तरीय कराटेमध्ये जळगावचा दबदबा!; गोल्ड–सिल्वर जिंकत राशी व मीतेश चमकले; संघाला ‘बेस्ट टीम’चा मान

खबर महाराष्ट्र न्यूज – नवी मुंबई प्रतिनिधी | निर्भया फाउंडेशन ऑफ इंडिया यांच्या तर्फे गुजरात भवन, वाशी – नवी मुंबई येथे 22 नोव्हेंबर 2025 (शनिवार) रोजी झालेल्या राज्यस्तरीय खुल्या कराटे स्पर्धेत जळगाव जिल्ह्याने दमदार कामगिरी करत सुयशाची नोंद केली.

जळगावचा कराटे संघ 21 नोव्हेंबर (शुक्रवार) रोजी संध्याकाळी 6 वाजता खानदेश एक्सप्रेसने नवी मुंबईकडे रवाना झाला होता. या स्पर्धेत राशी वाणी आणि मीतेश वाणी यांनी अप्रतिम प्रदर्शन करत अनुक्रमे एक गोल्ड आणि एक सिल्वर मेडल पटकावले.

त्यांच्या कामगिरीच्या जोरावर जळगाव शहराच्या संघाला ‘उत्तम संघ’ असा बहुमान मिळत पहिल्या क्रमांकाची ट्रॉफी प्रदान करण्यात आली. यशामागे संघाचे कोच श्री. दिगंबर महाजन यांचे मार्गदर्शन अत्यंत मोलाचे ठरले.

रविवारी सकाळी जळगाव रेल्वे स्टेशनवर संघ परतल्यावर जळगाव शहराचे लोकप्रिय आमदार श्री. राजू मामा भोळे यांनी सर्व खेळाडूंचे फूल गुच्छ देऊन स्वागत केले आणि त्यांच्या उज्ज्वल भवितव्यासाठी मनःपूर्वक शुभेच्छा दिल्या.

जळगाव जिल्ह्यात कराटे क्षेत्रातील हा मोठा विजय ठरून, स्थानिक तरुणांना प्रेरणा देणारा ठरला आहे.

----------------------------------

आपण आपल्या परिसरातील बातमी व व्हिडीओ 8149343743 या क्रमांकावर पाठवू शकता !

📲 व्हाटसॲप ग्रुप जॉईन करा : https://chat.whatsapp.com/HIC8hI6o9FBAlod6RWM7J4

📹 युट्युब चॅनल सबस्क्राईब करा : https://www.youtube.com/@KhabarMaharashtraNews

---------------------------------

✒️ पराग काथार - संपादक

+918149343743

----------------------------------