खबर महाराष्ट्र न्यूज पराग काथार - शहरातील पिंप्राळा परिसरात दहशत करणारा गुन्हेगार हा गावठी कट्टा व जिवंत काडतूसासह त्याला तब्येत घेण्यात आले. याप्रकरणी त्याच्याविरुद्ध रामानंदनगर पोलीस स्थानकात गुन्हा दाखल करण्यात आला आहे.
जळगाव जिल्ह्यातील कायदा व सुव्यवस्था राखण्यासाठी पोलिस अधिक्षक डॉ. महेश्वर रेड्डी, अतिरिक्त पोलिस अधीक्षक अशोक नखाते व उपविभागीय पोलिस अधिकारी नितीन गणापुरे यांनी अलीकडेच सर्व पोलिस ठाण्यांना काटेकोर सूचना दिल्या होत्या. त्यानुसार गुन्हेगारांवर बारकाईने नजर ठेवून कोणताही अनुचित प्रकार होऊ नये यासाठी सतर्कता बाळगण्याचे आदेश देण्यात आले होते.
या सूचनांमुळे प्रेरित होत रामानंदनगर पोलिसांनी शुक्रवारी मोठी कारवाई केली. पिंप्राळा परिसरात दहशत माजवणाऱ्या सराईत गुन्हेगार महेंद्र उर्फ दादू सपकाळे याला गावठी कट्टा व एक जिवंत काडतूसासह ताब्यात घेण्यात आले. आरोपीमुळे परिसरात भीतीचे वातावरण निर्माण झाले होते.
रामानंदनगर पोलिस निरीक्षक राजेंद्र गुंजाळ यांनी कमालीची गुप्तता राखून ही कारवाई राबवली. त्यांच्या पथकातील PSI सचिन रानशेवरे, पोहेका जितेंद्र राजपूत, सुधाकर अंबोरे, जितेंद्र राठोर, सुशील चौधरी, हेमंत कळसकर, मनोज सुरवाडे, रेयांनंद साळुंके, योगेश बारी, विनोद सूर्यवंशी व गोविंदा पाटील यांनी या ऑपरेशनमध्ये सहभाग घेतला.
सदर आरोपीविरोधात गुन्हा दाखल करण्यात आला असून पुढील तपास PSI सचिन रानशेवरे करीत आहेत. या कारवाईमुळे परिसरातील नागरिकांनी सुटकेचा निश्वास सोडला आहे.
Tags
जळगाव