खबर महाराष्ट्र न्युज, पराग काथार | जळगाव शहर मतदारसंघातील भाजप, शिवसेना, राष्ट्रवादी काँग्रेस आणि मित्र पक्षाच्या महायुतीचे उमेदवार आ. राजूमामा भोळे यांनी गुरुवारी सकाळी पिंप्राळा भागात प्रचार दौरा केला. या दौऱ्यात, बारीवाडा परिसरातील "अब की बार, राजू मामाच आमदार" या घोषवाक्याखाली एका भगिनीने रांगोळीतून दिलेल्या प्रेमळ शुभेच्छा पाहून आ. भोळे भावूक झाले. या अनोख्या स्वागताने भारावलेले आ. भोळे यांनी प्रचारात अधिक जोमाने सहभाग घेतला.
या प्रचारामध्ये खान्देशी कलावंत बाळू इंगळे यांनी मकरंद अनासपुरे यांच्या शैलीत सहभाग घेतला आणि मतदारांना आ. राजूमामा भोळे यांच्या पाठीशी खंबीरपणे उभे राहण्याचे आवाहन केले. ढोल-ताशांच्या गजरात आ. भोळे यांचे नागरिकांकडून जल्लोषात स्वागत करण्यात आले.
आ. भोळे यांनी पिंप्राळा भागातील छत्रपती शिवाजी महाराज चौकात शिवाजी महाराजांच्या पुतळ्याला वंदन व पुष्पहार अर्पण करून आपल्या प्रचाराची सुरुवात केली. या रॅलीने गर्जना चौक, बारीवाडा, कोळीवाडा, संत मीराबाई नगर, गणपती नगर, प्रल्हाद नगर, आनंद मंगल सोसायटी, इंद्रदेव नगर, निसर्ग कॉलनी, साई मंदिर परिसर, नामदेव नगर आदी ठिकाणी भेट दिली. हुडको परिसरात या रॅलीचा समारोप करण्यात आला. यावेळी बाळू इंगळे यांनी मकरंद अनासपुरे यांच्या शैलीत मतदारांना राजूमामा भोळे यांना मतदान करण्याचे आवाहन केले.
बारीवाडा परिसरात माधुरी हितेश बारी या भगिनीने "अब की बार, राजू मामाच आमदार" या शीर्षकाखाली काढलेली आकर्षक रांगोळी उपस्थितांचे लक्ष वेधून घेत होती. अनेक महिला भगिनींनी आ. भोळे यांचे औक्षण करून त्यांना विजयासाठी सदिच्छा दिल्या. संत मीराबाई नगर येथील राधाकृष्ण मंदिर, हनुमान मंदिर आणि महादेव मंदिरात दर्शन घेऊन आ. भोळे यांनी विजयासाठी प्रार्थना केली. तसेच माजी नगरसेवक शोभाताई बारी यांच्या घरी भेट देऊन शुभाशीर्वाद घेतले.
प्रचार रॅलीमध्ये भाजपाचे लोकसभा क्षेत्र प्रमुख डॉ. राधेश्याम चौधरी, महानगर जिल्हाध्यक्ष उज्वलाताई बेंडाळे, माजी नगरसेवक शोभाताई बारी, सुरेश सोनवणे, मंडळ क्रमांक ५ चे अध्यक्ष शक्ति महाजन, विजय पाटील, अतुल बारी, शुभांगी बि-हाडे, नीतू परदेशी, चंद्रकांत कोळी, उमेश सूर्यवंशी, योगेश गोसावी, महेंद्र केळकर, किरण भोई, डॉ. जयश्री बारी, माजी नगरसेवक सदाशिवराव ढेकळे, कैलास सोनवणे, शिवसेना पक्षाचे माजी नगरसेवक ज्योती चव्हाण, कुंदन काळे, उमेश सोनवणे, आशुतोष पाटील, राष्ट्रवादी काँग्रेस अजित पवार गटाचे जिल्हा नियोजन समिती सदस्य योगेश देसले, विनोद देशमुख, सुनिता शिंदे, योगेश पाटील, लता मोरे, पी.एस. पाटील, साजिद पठाण, रिपब्लिकन पार्टी (आठवले गट) पदाधिकारी मिलिंद अडकमोल, मिलिंद सोनवणे, अविनाश पारधे, लोक जनशक्ती पार्टीचे उत्तर महाराष्ट्र अध्यक्ष दीपक सपकाळे, जिल्हाध्यक्ष अशोक पारधे यांच्यासह महायुतीचे कार्यकर्ते व पदाधिकारी मोठ्या संख्येने उपस्थित होते.
----------------------------------
आपण आपल्या परिसरातील बातमी व व्हिडीओ 8149343743 या क्रमांकावर पाठवू शकता !
📲 व्हाटसॲप ग्रुप जॉईन करा : https://chat.whatsapp.com/HIC8hI6o9FBAlod6RWM7J4
📹 युट्युब चॅनल सबस्क्राईब करा : https://www.youtube.com/@KhabarMaharashtraNews
---------------------------------
पराग काथार - संपादक
+918149343743
----------------------------------