🏀 जळगाव जिल्हा १८ वर्षाखालील बास्केटबॉल संघ निवड चाचणी उत्साहात संपन्न; राज्यस्तरीय स्पर्धेसाठी ७० खेळाडूंचा सहभाग; ३८ खेळाडू संभाव्य शिबिरासाठी निवड.

खबर महाराष्ट्र न्युज, पराग काथार | जळगाव, २७ जुलै २०२५ – महाराष्ट्र राज्य बास्केटबॉल असोसिएशनच्या वतीने आयोजित करण्यात येणाऱ्या १८ वर्षांखालील अंतरजिल्हा राज्य अजिंक्यपद बास्केटबॉल स्पर्धा येत्या ९ ते १४ ऑगस्ट २०२५ दरम्यान बालेवाडी, पुणे येथे पार पडणार आहे. या पार्श्वभूमीवर जळगाव जिल्ह्याच्या राज्यस्तरीय संघ निवडीसाठी निवड चाचणी आज दिनांक २७ जुलै २०२५ रोजी संपन्न झाली.

ही निवड चाचणी महाराष्ट्र राज्य बास्केटबॉल संघटनेच्या सूचनेनुसार, जळगाव जिल्हा हौशि बास्केटबॉल असोसिएशन आणि जळगाव जिल्हा बास्केटबॉल असोसिएशन यांच्या संयुक्त विद्यमाने पायोनियर स्पोर्ट्स, जळगाव येथे आयोजित करण्यात आली.

या निवड चाचणीमध्ये जळगाव शहर, जळगाव तालुका, पाचोरा, एरंडोल, चाळीसगाव, भुसावळ, दिपनगर, वरणगाव, अमळनेर आदी भागांतील एकूण ७० उत्साही युवा खेळाडूंनी सहभाग नोंदवला.

सर्व खेळाडूंच्या खेळ कौशल्य, शारीरिक तंदुरुस्ती, टेक्निक व टॅक्टिक्स या निकषांवर आधारित मूल्यमापन करण्यात आले.

या चाचणीतून ३८ खेळाडू संभाव्य संघासाठी निवडले गेले असून, त्यांचे सराव शिबिर दिनांक १ ऑगस्ट २०२५ पासून सुरू होणार आहे. सराव शिबिरामध्ये अंतिम संघ निवड केली जाईल जो पुण्यातील राज्य अजिंक्यपद स्पर्धेमध्ये जिल्ह्याचे प्रतिनिधित्व करणार आहे.

या निवड प्रक्रियेचे यशस्वी आयोजन व अंमलबजावणीसाठी दोन्ही असोसिएशनचे पदाधिकारी, सदस्य आणि प्रशिक्षकांनी समर्पणाने परिश्रम घेतले. आयोजन यशस्वी झाल्याबद्दल खेळाडू, पालक आणि क्रीडा क्षेत्रातून समाधान व्यक्त करण्यात येत आहे.

----------------------------------

आपण आपल्या परिसरातील बातमी व व्हिडीओ 8149343743 या क्रमांकावर पाठवू शकता !

📲 व्हाटसॲप ग्रुप जॉईन करा : https://chat.whatsapp.com/HIC8hI6o9FBAlod6RWM7J4

📹 युट्युब चॅनल सबस्क्राईब करा : https://www.youtube.com/@KhabarMaharashtraNews

---------------------------------

पराग काथार - संपादक

+918149343743

----------------------------------